PETRUS Foissaeus

PETRUS Foissaeus

seu Foxius, Cardinalis Archiepiscopus Arelatensis et Vicecomes Avenionensis, Adhaesit Benedicto XIII. a quo purpurâ donatus est, usque ad tempus Concilii Constantiensis: Interfuit creationi martini V. et in Arragoniam missum, schismatis ibi extinxit reliquias. Obiit Avenione, A. C. 1464. aetat. 78. Fundator Collegii Foxiani, Tolosae. Item, alius Cardinalis dictus Iunior, fil. Gastonis IV. ex Eleonora Navarraea, prioris ex fratre nepos. Ingeniô, eruditione et dexteritate agendorum inclitus. Sub Sandaeo, IC. celeberrimo Ticini, Iuri operâ navatâ, Doctor creatus. Obiit A. C. 1490. Vide Morer. in Dict. Hist.